ڈیرہ اسماعیل خان: سکیورٹی فورسز کی 2 مختلف کارروائیوں میں 7 خوارج جہنم واصل

پشاور( اباسین خبر)خیبرپختونخوا کے ضلع ڈیرہ اسماعیل خان میں سکیورٹی فورسز نے 2 الگ الگ آپریشنز میں 7 خوارج کو جہنم واصل کر دیا۔پاک فوج کے شعبہ تعلقات عامہ (آئی ایس پی آر) کے مطابق 23 فروری کو ڈیرہ اسماعیل خان کے علاقوں مدی اور درابن میں دہشت گردوں کی موجودگی کی اطلاع پر آپریشن کیا گیا۔آپریشن کے دوران سکیورٹی فورسز نے خوارج کے ٹھکانے کو مثر نشانہ بنایا، جس کے نتیجے میں مدی میں 3 اور درابن میں 4 خارجی دہشت گرد مارے گئے۔ترجمان پاک فوج کا کہنا تھا کہ علاقے میں دیگر ممکنہ خوارج کے خاتمے کے لیے سینیٹائزیشن آپریشن جاری ہے اور سکیورٹی فورسز ملک سے دہشت گردی کے خاتمے کے لیے پرعزم ہیں۔