6
ممبئی ( شوبز ڈیسک)بالی ووڈ اور ہالی ووڈ کی اداکارہ و ماڈل پریانکا چوپڑا نے حال ہی میں ضرورت مند کی مدد کر کے اپنے مداحوں کا دل جیت لیا۔پریانکا حال ہی میں اپنے بھائی کی شادی کے اختتام کے بعد امریکہ روانگی کے لیے ممبئی پہنچیں، جہاں پاپرازی نے ان کی تصاویر اور ویڈیوز بنائیں۔ ان ویڈیوز میں سے ایک ویڈیو سوشل میڈیا پر وائرل ہو گئی، جس میں پریانکا اپنی گاڑی میں بیٹھ کر روانہ ہو رہی تھیں، اور سگنل پر رکتے ہوئے کھڑکی سے ہاتھ باہر نکال کر ایک فقیر کو پیسے دیتی نظر آئیں۔پریانکا کے اس عمل پر سوشل میڈیا صارفین اور ان کے مداحوں نے اداکارہ کی دریا دلی کو سراہا اور ان کی تعریف کی۔یاد رہے کہ پریانکا چوپڑا جلد ہی فلم SSMB 29 میں مہیش بابو کے ساتھ اداکاری کے جوہر دکھاتی نظر آئیں گی۔
