پنجاب کے سرکاری ڈینٹل کالجز میں داخلے کیلئے عبوری میرٹ لسٹ جاری

اسلام آباد(ہیلتھ ڈیسک) پنجاب کے سرکاری ڈینٹل کالجز میں داخلے کے لئے عبوری میرٹ لسٹ جاری کر دی گئی ہے۔یونیورسٹی آف ہیلتھ سائنسز نے ویب سائٹ پر ٹاپ 750 درخواست گزاروں کی میرٹ فہرست جاری کی، جس کی بنیاد پر امیدواروں کو سرکاری ڈینٹل کالجز میں داخلے کے لیے الاٹ کیا جائے گا۔پنجاب کے تین سرکاری ڈینٹل کالجوں میں اوپن میرٹ بی ڈی ایس کی 185 سیٹیں ہیں۔ پہلی سلیکشن لسٹ میں سرکاری ڈینٹل کالجز میں بی ڈی ایس کا آخری میرٹ 94.2 فیصد تک رہنے کا امکان ہے۔ترجمان یو ایچ ایس کے مطابق، ڈینٹل کالجوں کی الاٹمنٹ کے لیے پہلی سلیکشن لسٹ یکم مارچ کو جاری کی جائے گی۔