12
چولستان( سپورٹس ڈیسک)چولستان میں جاری جیپ ریلی کا باضابطہ افتتاح میر نادر مگسی نے کیا، جس میں 47 ڈرائیورز کی مہارتوں کا کڑا امتحان ہو رہا ہے۔ اس ریس کا پہلا رانڈ 236 کلومیٹر کے ٹریک پر شروع ہو چکا ہے، اور اس میں دو خواتین ڈرائیورز بھی شامل ہیں۔ ریس کا آغاز قلعہ دراوڑ کے دلوش سٹیڈیم سے ہوا، جبکہ مڈ پوائنٹ قلعہ جام گڑھ اور اختتامی پوائنٹ شہزادی چوک چولستان ہے۔اس ریس میں زین محمود اپنے ٹائٹل کا دفاع کریں گے، اور جیاند ہوت کی گاڑی سب سے پہلے ٹریک پر روانہ ہوئی۔ ریس میں میر نادر مگسی، صاحبزادہ سلطان اور فیصل شادی خیل کے درمیان سخت مقابلہ متوقع ہے۔ یہ ایونٹ چولستان کے بیابان علاقے میں ڈرائیورز کی مہارت اور حکمت عملی کا امتحان لے رہا ہے۔
