امریکا نے عالمی فوجداری عدالت کے چیف پراسیکیوٹر کے اثاثے منجمد اور سفری پابندیاں عائد کردیں

وا شنگٹن ( مانیٹرنگ ڈیسک)امریکا نے عالمی فوجداری عدالت (ICC) کے چیف پراسیکیوٹر کریم خان پر پابندیاں عائد کر دی ہیں۔ یہ پابندیاں امریکی وزارتِ خزانہ کے مطابق ان کے امریکا میں داخلے پر عائد کی گئی ہیں اور ان کے موجودہ اثاثے بھی منجمد کر دیے گئے ہیں۔یہ اقدامات امریکی صدر ڈونلڈ ٹرمپ کے حکم پر نافذ کیے گئے تھے، اور اس کے لیے ٹرمپ کی جماعت نے قانون سازی کی تھی، تاہم سینیٹ میں ڈیموکریٹس نے اس بل کو مسترد کر دیا تھا جس کے بعد یہ بل ایگزیکیٹو آرڈر کے ذریعے نافذ کیا گیا تھا۔ اس بل کے نفاذ سے امریکا اور اس کے اتحادیوں کے خلاف عالمی فوجداری عدالت کی تحقیقات میں شامل عملے اور ان کے اہل خانہ پر مالیاتی اور ویزا پابندیاں لگانے کا قانونی جواز مل گیا۔یہ پابندیاں اس وجہ سے عائد کی گئی ہیں کہ کریم خان نے اسرائیلی وزیراعظم نیتن یاہو اور سابق وزیر دفاع یوو گیلنٹ کے خلاف غزہ میں جنگی جرائم کے الزامات پر وارنٹِ گرفتاری جاری کیے تھے، جس پر ڈونلڈ ٹرمپ کا ردعمل تھا کہ عالمی فوجداری عدالت نے اسرائیل کے رہنماں کے خلاف تحقیقات کی اجازت دی۔