سلطان محمد گولڈن نے ایک اور عالمی ریکارڈ بنا ڈالا

کوئٹہ( سپورٹس ڈیسک) بلوچستان کے علاقے پشین کے رہائشی سلطان محمد گولڈن نے ایک اور عالمی ریکارڈ قائم کر لیا ہے۔ سلطان محمد گولڈن نے 140 کلو میٹر فی گھنٹہ کی رفتار سے ریورس گاڑی چلا کر عالمی ریکارڈ بنایا۔ انہوں نے 140 کلو میٹر فی گھنٹہ کی سپیڈ 32 سیکنڈز میں حاصل کی اور گاڑی کو اس رفتار پر سوا کلو میٹر تک چلایا۔ریکارڈ بنانے کے بعد سلطان محمد گولڈن نے پاکستان کا پرچم اٹھایا اور سجدہ ریز ہو گئے۔ انہوں نے اس کامیابی کو اپنے ملک کے نام کیا اور کہا کہ یہ ان کے وطن کے لیے ایک اعزاز ہے۔یاد رہے کہ امریکی شہری نے 2022 میں 89 کلو میٹر فی گھنٹہ کی سپیڈ سے ریورس گاڑی چلانے کا عالمی ریکارڈ بنایا تھا، جسے اب سلطان محمد گولڈن نے اپنی نئی کامیابی کے ساتھ توڑ دیا ہے۔