6
لاہور( اباسین خبر)جناح ہاس حملہ کیس میں پولیس نے عمران خان کی بہنوں، علیمہ خان اور عظمی خان کو بے قصور قرار دے دیا۔ انسداد دہشت گردی عدالت لاہور میں 9 مئی کے مقدمات میں عبوری ضمانتوں پر سماعت ہوئی۔تفتیشی افسر نے دوران سماعت بیان دیا کہ علیمہ خان اور عظمی خان کے خلاف تفتیش مکمل ہو چکی ہے اور وہ جناح ہاس کیس میں بے قصور ہیں، اس لیے ان کی گرفتاری کی ضرورت نہیں۔تفتیشی افسر کے بیان کے بعد علیمہ خان اور عظمی خان نے جناح ہاس کیس میں اپنی درخواست ضمانتیں واپس لے لیں۔ عدالت نے عبوری ضمانتیں واپس لینے پر کیس خارج کر دیا۔
