پاکستان زیتون کی پیداوار میں خود انحصاری کی جانب گامزن

اسلام آباد( کامرس ڈیسک)پاکستان زیتون کی پیداوار میں خود انحصاری کی جانب بڑھ رہا ہے، ملک بھر میں 37 لاکھ سے زائد زیتون کے پودے لگائے گئے ہیں۔دنیا نیوز کو موصول ہونے والی تفصیلات کے مطابق زیتون کی کاشتکاری میں بلوچستان سرفہرست ہے، جہاں 19 لاکھ 29 ہزار 342 پودے لگائے گئے ہیں۔دستاویزات کے مطابق خیبرپختونخوا میں 6 لاکھ 82 ہزار 448 درخت لگائے گئے ہیں، پنجاب میں 7 لاکھ 38 ہزار سے زائد درخت لگائے گئے ہیں، جبکہ سندھ میں ایک لاکھ 205 پودوں کی کاشتکاری کی گئی ہے۔آزاد جموں و کشمیر میں زیتون کے 1 لاکھ 64 ہزار 773 درخت لگائے گئے ہیں، گلگت بلتستان میں 71 ہزار 751 اور اسلام آباد میں 65 ہزار 675 درخت لگائے گئے ہیں۔