مریخ کے جنوبی حصے پر موجود ان سیاہ دھبوں کی حقیقت

وا شنگٹن ( مانیٹرنگ ڈیسک)ناسا نے حال ہی میں مریخ کے قطب جنوبی حصے کے قریب ایک نایاب اور مسحور کن کاربن ڈائی آکسائیڈ گیزر کے پھٹنے کی تصویر جاری کی ہے۔ اس تصویر میں موسم بہار کے دوران مریخ کی سطح پر یہ زبردست اور ڈرامائی عمل دکھایا گیا ہے۔ سردیوں کے دوران منجمد کاربن ڈائی آکسائیڈ جب گیس میں تبدیل ہو جاتی ہے تو یہ سطح میں موجود دراڑوں سے دھول اور بخارات کی صورت میں خارج ہوتی ہے۔ اس عمل سے سیاہ جالے جیسی لکیریں بنتی ہیں جنہیں “مارشین مکڑیاں” کہا جاتا ہے۔یہ شکلیں صرف مریخ پر موسم بہار میں نظر آتی ہیں اور سائنسدانوں کو سیارے کی موسمی آب و ہوا کے نمونوں کے بارے میں اہم بصیرت فراہم کرتی ہیں۔ یہ تصویر 2018 میں Mars Reconnaissance Orbiter (ایم آر او) کے ذریعے لی گئی تھی، اور ناسا نے اس تازہ ریلیز میں اس منظر کو دوبارہ پیش کیا، جس نے مریخ پر تحقیق اور دلچسپی میں مزید اضافہ کیا ہے۔