ایلون مسک کا ٹک ٹاک خریدنے میں عدم دلچسپی کا اظہار

کیلیفورنیا( مانیٹرنگ ڈیسک)ایلون مسک نے ٹک ٹاک خریدنے میں عدم دلچسپی ظاہر کی ہے۔ انہوں نے جرمن میڈیا ایمپائر ایکسل اسپرنگر کی کانفرنس میں بذریعہ ویڈیو لنک شرکت کے دوران کہا کہ وہ ٹک ٹاک خریدنے کے بارے میں کوئی منصوبہ نہیں رکھتے۔ مسک نے اس بات کو واضح کیا کہ نہ تو وہ ذاتی طور پر ٹک ٹاک استعمال کرتے ہیں اور نہ ہی ایپ کے فارمیٹ سے واقف ہیں۔ٹیسلا اور اسپیس ایکس کے بانی نے مزید کہا کہ وہ عام طور پر کمپنیاں خریدنے کی بجائے خود انہیں بناتے ہیں، اور ٹوئٹر (اب ایکس) کو خریدنا ایک غیر معمولی قدم تھا۔ اس کے علاوہ، انہوں نے یہ بھی کہا کہ اگر ان کے پاس ٹک ٹاک ہوتا تو وہ اس کے بارے میں کیا کرتے، اس حوالے سے کوئی واضح منصوبہ نہیں تھا۔