مدارس بوجھ نہیں، انہوں نے بوجھ اٹھایا ہوا ہے: خالد مقبول صدیقی

کراچی ( اباسین خبر)وفاقی وزیرِ تعلیم و ایم کیو ایم کے کنوینر ڈاکٹر خالد مقبول صدیقی نے کہا ہے کہ کچھ لوگ مدارس کو بوجھ سمجھتے ہیں حالانکہ مدارس نے بوجھ اٹھایا ہوا ہے۔آج جامعہ علوم اسلامیہ علامہ بنوری ٹاون کے دورے کے دوران انہوں نے وفاق المدارس العربیہ پاکستان کے سالانہ امتحانات کے امور کا جائزہ لیا۔خطاب کرتے ہوئے ڈاکٹر خالد مقبول صدیقی نے کہا کہ پاکستان میں جمہوریت کی ضرورت ہے، لیکن یہاں جاگیردانہ نظام کو بے شرمی سے جمہوریت کہا جا رہا ہے۔ انہوں نے مزید کہا کہ 50 سال سے سندھ میں کوٹہ سسٹم نافذ ہے۔وفاقی وزیر نے سیاسی بحران کو معاشی بحران کا سبب قرار دیتے ہوئے کہا کہ ملک میں بحران 2024 کے الیکشن نہیں بلکہ 2018 کے الیکشن کی وجہ سے ہے۔ 2018 میں جو حکومت آئی تھی، انہوں نے کراچی کے لیے کوئی آواز بلند نہیں کی۔انہوں نے یہ بھی کہا کہ پی پی اور ایم کیو ایم کے درمیان اختلافات موجود ہیں، اور پاکستان میں ٹریڈ ڈیفیسٹ نہیں بلکہ ٹرسٹ ڈیفیسٹ کا مسئلہ ہے۔