رئیل اسٹیٹ اور ہاؤسنگ سیکٹر میں عوام کے لیے مراعات کا پیکیج تیار

پشاور( کامرس ڈیسک)حکومت نے رئیل اسٹیٹ اور ہاسنگ کے شعبے میں عوام کے لیے مراعات کا پیکیج تیار کر لیا ہے۔ وزارت ہاسنگ کی 11 رکنی ٹاسک فورس نے اس پیکیج کی سفارشات مرتب کی ہیں، جس کے تحت رئیل اسٹیٹ اور ہاسنگ کے شعبے میں عوام کو مراعات فراہم کی جائیں گی۔حکومت نے گزشتہ بجٹ کے دوران رئیل اسٹیٹ سیکٹر پر عائد کیے گئے ٹیکسز پر نظرثانی کرنے کا فیصلہ کیا ہے اور اس شعبے کی بحالی کے لیے جامع پلان تشکیل دے دیا گیا ہے۔ ٹاسک فورس کی سفارشات وزیراعظم شہباز شریف کو پیش کر دی گئی ہیں، اور وزیراعظم نے ان سفارشات پر فیصلہ کرنے کے لیے 3 فروری کو اہم اجلاس طلب کر لیا ہے۔سفارشات میں رہائشی گھروں کے لیے 3 منزلیں تعمیر کرنے کی اجازت دینے، پہلی بار گھر خریدنے پر ٹیکس میں مکمل چھوٹ، پراپرٹی فروخت کرنے پر ٹیکس کو 4 فیصد سے کم کر کے 2 فیصد مقرر کرنے، خریدار پر ٹیکس 4 فیصد سے کم کر کے اعشاریہ 5 فیصد کرنے، پراپرٹی کی خرید و فروخت پر فیڈرل ایکسائز ڈیوٹی ختم کرنے، اور کم آمدن افراد کے لیے ہاسنگ سبسڈی دینے کی تجویز شامل ہیں۔اس کے علاوہ، گھروں کی تعمیر کے لیے 5 سے 20 سال کی مدت کے لیے قرض فراہم کرنے کی سفارش بھی کی گئی ہے۔