قلات میں دہشت گردی کے واقعے کی شدید مذمت کرتے ہیں،وزیر اعلیٰ بلوچستان

کو ئٹہ ( اباسین خبر)وزیر اعلی بلوچستان میر سرفراز بگٹی نے قلات میں دہشت گردی کے واقعے کی شدید مذمت کی ہے اور کہا کہ بزدلانہ حملے میں ملوث دہشت گردوں کو کیفر کردار تک پہنچایا جائے گا۔ انہوں نے سیکیورٹی فورسز کی بروقت کارروائی کو قابل تحسین قرار دیا اور کہا کہ فورسز کے جوانوں نے پوری بہادری سے دہشت گردوں کا مقابلہ کیا۔وزیر اعلی نے شہدا کو خراج عقیدت پیش کرتے ہوئے کہا کہ ان کی قربانیاں ہمیشہ یاد رکھی جائیں گی۔ ان کا کہنا تھا کہ بلوچستان میں دہشت گردوں کے لیے کوئی جگہ نہیں ہے اور عوام کے تحفظ اور امن کے قیام کے لیے ہر ممکن اقدامات کیے جا رہے ہیں۔