بلوچستان میں موسم شدید سرد؛ درجہ حرارت منفی 8 ڈگری تک گر گیا

کو ئٹہ ( اباسین خبر)بلوچستان میں موسم بدستور شدید سرد ہے، اور قلات میں درجہ حرارت منفی 8 ڈگری سینٹی گریڈ تک گر گیا ہے۔ محکمہ موسمیات کے مطابق، بلوچستان کے بیشتر علاقوں میں موسم سرد اور خشک رہے گا، جبکہ شمالی اضلاع میں سردی کی شدت مزید بڑھنے کی توقع ہے۔کوئٹہ میں کم سے کم درجہ حرارت منفی 4، قلات میں منفی 8 ڈگری سینٹی گریڈ ریکارڈ کیا گیا۔ اسی طرح زیارت میں منفی 8، ژوب میں منفی 2، سبی میں 7، تربت میں 10 اور چمن میں منفی ایک ڈگری سینٹی گریڈ ریکارڈ ہوا۔دوسری جانب نوکنڈی میں کم سے کم درجہ حرارت صفر، گوادر میں 10 اور جیوانی میں 11 ڈگری سینٹی گریڈ ریکارڈ کیا گیا۔