2
پشاور( اباسین خبر)خیبر پختونخوا میں وراثتی اراضی میں جعلی انتقالات کے خلاف کارروائی کرتے ہوئے پٹواری سمیت 3 افراد کو گرفتار کر لیا گیا۔ اینٹی کرپشن خیبر پختونخوا کو رزڑ ضلع صوابی میں جعلی انتقالات کے بارے میں شکایات موصول ہوئی تھیں، جس پر انکوائری شروع کی گئی۔انکوائری میں یہ ثابت ہوا کہ ریونیو اسٹاف کی ملی بھگت سے جعلی انتقالات کیے گئے۔ اس معاملے کی تحقیقات کے بعد ایف آئی آر درج کر لی گئی، جس میں پٹواری خالد عثمان، حامد حسین اور شہزاد کو نامزد کر کے گرفتار کر لیا گیا۔ مزید تحقیقات جاری ہیں۔
