ارجن کپور اور راکول پریت سنگھ کی فلم ’میرے ہسبینڈ کی بیوی‘ کا پوسٹر جاری

ممبئی ( شوبز ڈیسک)بالی ووڈ اداکار ارجن کپور اور راکول پریت سنگھ کی نئی فلم میرے ہسبینڈ کی بیوی کا پوسٹر جاری کر دیا گیا۔بالی ووڈ کی معروف اداکارہ بھومی پیڈنیکر، ارجن کپور اور راکول پریت سنگھ کی یہ نئی رومانوی کامیڈی فلم ہے، جس کے میکرز نے پہلا پوسٹر جاری کیا ہے۔ پوسٹر میں ارجن کپور کو درمیان میں دکھایا گیا ہے، جبکہ بھومی پیڈنیکر اور راکول پریت گھوڑے پر بیٹھی ہوئی ہیں اور ارجن کو اپنی جانب کھینچ رہی ہیں۔ یہ دلچسپ پوسٹر فلم کے شائقین میں تجسس پیدا کرنے میں کامیاب رہا ہے۔ارجن کپور نے انسٹاگرام پر پوسٹر شیئر کرتے ہوئے مزاحیہ کیپشن لکھا: کھینچو۔۔۔ اور کھینچو۔ شرافت کی یہی سزا تو ہوتی ہے، کلیش ہو یا تصادم، پستا تو مجھ جیسا عام آدمی ہے۔اداکار نے مزید بتایا کہ فلم 21 فروری کو سینما گھروں میں ریلیز ہوگی۔یاد رہے کہ ارجن کپور کو آخری بار فلم سنگھم اگین میں منفی کردار میں دیکھا گیا تھا، جبکہ راکول پریت سنگھ اپنی 2019 کی ہٹ فلم دے دے پیار دے 2 کے سیکوئل کی ریلیز کا انتظار کر رہی ہیں، جس کی ہدایت کاری انشول شرما نے کی ہے۔ دوسری جانب، بھومی پیڈنیکر اپنی ویب سیریز کے آغاز کی تیاری کر رہی ہیں، جہاں وہ ایک پولیس اہلکار کا کردار ادا کریں گی۔فلم میرے ہسبینڈ کی بیوی کی ریلیز کا شائقین بے صبری سے انتظار کر رہے ہیں۔