جان ابراہم اور پریانکا چوپڑا کی نئی فلم میں دھوم دھام سے واپسی

ممبئی( شو بز ڈیسک)جان ابراہم اور پریانکا چوپڑا کی نئی فلم میں دھماکے دار واپسی ہوگئی۔بالی وڈ کے معروف اداکار جان ابراہم اور پریانکا چوپڑا ایک بار پھر بڑے پردے پر ایک ساتھ نظر آئیں گے، اور یہ جوڑی ایس ایس راجامولی اور مہیش بابو کی میگا بجٹ فلم SSMB29 کا حصہ بنے گی۔میڈیا رپورٹ کے مطابق، اس فلم میں جنوبی بھارتی اداکار پرتھوی راج سوکمارن کو ایک اہم کردار کے لیے سائن کیا گیا تھا لیکن وہ فلم کا حصہ نہ بن سکے۔ اب ان کی جگہ جان ابراہم نے لے لی ہے، اور وہ حیدرآباد میں شوٹنگ کریں گے، جہاں ان کے کئی سینز پریانکا چوپڑا کے ساتھ ہوں گے۔یہ فلم ایس ایس راجامولی کی ہدایت کاری میں بن رہی ہے، جس میں مہیش بابو مرکزی کردار ادا کریں گے۔ فلم ایک ایڈونچر ایکشن کہانی ہوگی، جس کی شوٹنگ بھارت کے ساتھ ساتھ بیرون ملک بھی کی جائے گی۔اطلاعات ہیں کہ فلم قدیم بھارتی دیومالائی کہانی پر مبنی ہوگی، جو جدید دنیا میں پیش کی جائے گی۔ فلم کی شوٹنگ کا آغاز 3 جنوری کو ہو چکا ہے، اور حال ہی میں پریانکا چوپڑا حیدرآباد پہنچیں، جس سے ان کے فلم کا حصہ بننے کی قیاس آرائیاں مزید مضبوط ہو گئیں۔