امریکی صدر ڈونلڈ ٹرمپ کا تیل اور گیس پر18فروری سے ٹیرف عائد کرنے کا اعلان

واشنگٹن( مانیٹرنگ ڈیسک)امریکی صدر ڈونلڈ ٹرمپ نے تیل اور گیس پر 18 فروری سے ٹیرف عائد کرنے کا اعلان کر دیا۔ٹرمپ نے واشنگٹن میں صحافیوں سے گفتگو کرتے ہوئے کہا کہ سٹیل، المونیم اور تانبے پر بھی ٹیرف عائد ہوگا اور یورپی یونین پر بھی ٹیرف لاگو کیے جائیں گے۔ انہوں نے کہا کہ ٹیرف کے نفاذ سے قلیل مدتی خلل ہو سکتا ہے لیکن مارکیٹ کے ردعمل پر کوئی تشویش نہیں۔ ٹرمپ نے روسی صدر سے بات چیت کی توقع ظاہر کی اور کچھ اہم اقدامات کی امید بھی کی۔ٹرمپ نے بائیڈن انتظامیہ پر الزام لگایا کہ اس نے سرکاری اداروں کو کرپٹ کر دیا، اور وفاقی ملازمین کو گھر بیٹھ کر تنخواہیں دینے کا الزام عائد کیا۔ ان کا کہنا تھا کہ ایک ٹریلین ڈالر کے غیر ضروری اخراجات میں کمی کی جا رہی ہے۔صدر ٹرمپ نے کینیڈا کے رویے پر تنقید کرتے ہوئے کہا کہ ٹیرف کے نفاذ پر کینیڈا، میکسیکو اور چین کچھ نہیں کر سکتے۔قبل ازیں، وائٹ ہاس نے میکسیکو اور کینیڈا پر 25 فیصد اور چین پر 10 فیصد ٹیرف عائد کرنے کا اعلان کیا تھا۔