2
لاہور ( شوبز ڈیسک)پاکستان شوبز انڈسٹری کے معروف اداکار خالد انعم نے پاکستان کی معاشی صورت حال کے برعکس نظر آنے والے قوم کے رویے پر دلچسپ تبصرہ کیا ہے۔خالد انعم نے اپنی انسٹاگرام پوسٹ میں ملک کی خراب معاشی صورت حال اور پاکستانی قوم کے extravagance (فضول خرچی) کے رویے کا تذکرہ کیا۔ انہوں نے طنزیہ انداز میں لکھا کہ “پاکستان کی شادیاں، شاپنگ مال اور ریسٹورینٹ دیکھ کر لگتا ہے کہ یہ ملک امریکا، جرمنی اور جاپان کو قرضہ دیتا ہے۔”انہوں نے مزید کہا کہ “پاکستان میں ہر بندہ اپنی چادر سے دو سو فٹ باہر ہے،” جو اس بات کی طرف اشارہ کرتا ہے کہ لوگ اپنے وسائل سے زیادہ خرچ کرنے کی کوشش کرتے ہیں۔
