لاہور میں سورج کرنیں بکھیرنے لگا، دھند کی شدت میں واضح کمی

لاہور( اباسین خبر)لاہور میں سورج کی کرنوں نے دھند کی شدت میں کمی کر دی ہے۔محکمہ موسمیات کے مطابق لاہور کا کم سے کم درجہ حرارت 6 اور زیادہ سے زیادہ 18 ڈگری سینٹی گریڈ تک جانے کا امکان ہے، جبکہ شہر کا موجودہ درجہ حرارت 7 ڈگری سینٹی گریڈ ریکارڈ کیا گیا ہے۔اعداد وشمار کے مطابق ہوا کی رفتار 3 کلومیٹر فی گھنٹہ اور ہوا میں نمی کا تناسب 93 فیصد ریکارڈ کیا گیا ہے۔موسم کا حال بتانے والوں کے مطابق 11 جنوری کو لاہور میں ہلکی بوندا باندی متوقع ہے، جبکہ آئندہ دنوں میں درجہ حرارت مزید کم ہونے کی پیش گوئی کی گئی ہے۔