کراچی میں موسم سرما کی سرد ترین رات، درجہ حرارت مزید گر گیا

کراچی( اباسین خبر)کراچی میں رواں موسمِ سرما کی آج سرد ترین رات اور صبح رہی، جس کے باعث کم سے کم درجہ حرارت 8 ڈگری سینٹی گریڈ ریکارڈ کیا گیا۔محکمہ موسمیات کے مطابق آئندہ 24 گھنٹوں کے دوران زیادہ سے زیادہ درجہ حرارت 26 جبکہ کم سے کم 7 ڈگری سینٹی گریڈ ریکارڈ ہونے کا امکان ہے۔شہر میں یخ بستہ ہواں کے باعث سردی کی شدت اصل درجہ حرارت سے 2 تا 4 درجے زیادہ محسوس ہو رہی ہے، اور دن بھر 5 سے 20 کلومیٹر فی گھنٹہ کی رفتار سے شمال، شمال مشرقی اور شمال مغربی ہوائیں چلنے کی توقع ہے۔بلوچستان کی یخ بستہ ہواں کے باعث کراچی میں سردی کی لہر برقرار ہے، اور آئندہ 24 گھنٹوں کے دوران موسم سرد اور خشک رہنے کی پیشگوئی کی گئی ہے۔محکمہ موسمیات کے مطابق 28 دسمبر کو کراچی کا کم سے کم درجہ حرارت 8.5 ڈگری سینٹی گریڈ ریکارڈ ہوا تھا۔