گورنر سندھ کا کراچی انٹر بورڈ کے نتائج پر طلبہ کے عدم اطمینان کا نوٹس

کراچی( اباسین خبر)گورنر سندھ کامران خان ٹیسوری نے کراچی انٹر میڈیٹ بورڈ کے نتائج پر طلبا و طالبات کے عدم اطمینان کا نوٹس لیتے ہوئے چیئرمین بورڈ سے رپورٹ طلب کرلی۔انہوں نے نتائج کی سکروٹنی کی ضرورت پر زور دیتے ہوئے کہا کہ کراچی کے طلبا و طالبات کے خدشات دور کیے جائیں۔ گورنر سندھ نے مزید کہا کہ کراچی کے طلبہ کے ساتھ کسی قسم کی زیادتی برداشت نہیں کی جائے گی۔