20
لاہور( شو بز ڈیسک)معروف ڈرامہ نگار، مصنف اور اداکار کمال احمد رضوی کو ہم سے بچھڑے 9 برس بیت گئے۔کمال احمد رضوی 1930 میں بھارتی صوبہ بہار میں پیدا ہوئے اور قیام پاکستان کے بعد 19 سال کی عمر میں پاکستان ہجرت کر کے آگئے۔ 70 کی دہائی میں پاکستان ٹیلی ویژن کے ڈرامہ سیریل الف نون میں “الن” کے کردار سے شہرت حاصل کی۔کمال احمد رضوی نہ صرف ایک بہترین اداکار اور ہدایت کار تھے بلکہ ایک کامیاب قلم کار بھی تھے۔ انہوں نے متعدد تھیٹر اور ڈراموں میں اپنے فن کا مظاہرہ کیا، جن میں مسٹر شیطان، آدھی بات، بادشاہت کا خاتمہ، کھویا ہوا آدمی، خوابوں کے مسافر، صاحب بی بی غلام اور چور مچائے شور شامل ہیں۔الف نون سے ملک گیر شہرت حاصل کرنے والے کمال احمد رضوی علالت کے باعث 85 سال کی عمر میں انتقال کر گئے۔
