جنوبی کوریا کی آئینی عدالت نے صدر یون سک یول کو عہدے سے ہٹا دیا، نئے انتخابات کا اعلان

جنوبی کوریا ( مانیٹرنگ ڈیسک)جنوبی کوریا کی آئینی عدالت نے صدر یون سک یول کو عہدے سے ہٹا دیا ہے۔ غیر ملکی خبر ایجنسی کے مطابق، جنوبی کوریا کی آئینی عدالت نے صدر یون سک یول کے مواخذے کی توثیق کر دی ہے۔ عدالت کے 8 ججوں نے متفقہ طور پر یہ فیصلہ سنایا۔جنوبی کوریا کی آئینی عدالت کے مطابق، مارشل لا کے اعلان اور فوج کو پارلیمنٹ بھیجنے سے آئین کی خلاف ورزی ہوئی۔ عدالت نے کہا کہ صدر کی غیر آئینی اور غیر قانونی کارروائیاں جمہوریت کے لیے خطرہ تھیں، اور انہوں نے فوج کو سیاسی مقاصد کے لیے استعمال کیا۔میڈیا رپورٹس کے مطابق، جنوبی کوریا میں 60 دن کے اندر نئے صدارتی انتخابات کرائے جائیں گے۔