8
کراچی( اباسین خبر)کراچی میں مختلف ٹریفک حادثات میں 3 افراد جاں بحق ہوگئے، جس کے ساتھ ہی رواں سال میں ٹریفک حادثات میں ہلاکتوں کی تعداد 207 تک پہنچ گئی۔جوہر موڑ کے قریب تیز رفتار سیمنٹ مکسچر کی ٹکر سے 25 سالہ موٹرسائیکل سوار عبدالصبور جاں بحق ہوگیا، اور موقع پر موجود مشتعل افراد نے سیمنٹ مکسچر کو آگ لگا دی۔ پولیس نے ڈرائیور کو گرفتار کرلیا۔لیاقت آباد 10 نمبر پر ڈمپر کی ٹکر سے ایک اور موٹرسائیکل سوار جاں بحق ہوا جبکہ کیماڑی ایک نمبر میں بھی ایک شخص گاڑی کی ٹکر سے زندگی کی بازی ہار گیا۔رواں سال 207 افراد ٹریفک حادثات میں جاں بحق اور 2 ہزار 623 زخمی ہوچکے ہیں۔ شہر میں ڈمپر، ٹریلر، واٹر ٹینکر اور بسوں سے ہونے والی ہلاکتوں کی تعداد میں اضافہ ہوا ہے، تاہم ٹریفک پولیس اور انتظامیہ کی حادثات کی روک تھام کی کوششوں کے باوجود کوئی نمایاں کمی نہیں آئی۔
