ملک کے مختلف حصوں میں بارشیں،سردی میں اضافہ اور فصلوں کو ژالہ باری سے نقصان

لاہور(اباسین خبر)پنجاب سمیت ملک کے مختلف حصوں میں بارشوں کا نیا سپیل داخل ہوگیا۔فیصل آباد میں گرج چمک کے ساتھ بادل خوب برسے، اور ژالہ باری سے گلیاں سفید ہوگئیں۔ مری میں بارش سے سردی میں اضافہ ہوگیا۔ قصور، چکوال، اٹک، گجرات، جہلم، اوچ شریف میں بھی بارش ہوئی، جبکہ بعض علاقوں میں ژالہ باری سے فصلوں کو نقصان پہنچا۔چترال، کالام، بالاکوٹ اور بنوں میں بھی بارش سے موسم سرد ہوگیا، اور گلگت بلتستان کے مختلف علاقوں میں وقفے وقفے سے بارش ہوئی۔ بالائی علاقوں میں برفباری نے خوبصورت منظر پیش کیا، تاہم وادی نیلم میں برفباری کے بعد بالائی وادی کی رابطہ سڑکیں بدستور بند رہیں۔