جعفر ایکسپریس پر حملے کے بعد کچھی کے علاقے میں ریلوے ٹریک کی مرمت شروع

کو ئٹہ ( اباسین خبر)کچھی کے علاقے مشکاف میں جعفر ایکسپریس کو نشانہ بنانے والے مقام پر ریلوے ٹریک اور اس کے اطراف کے علاقے کو کلیئر کر دیا گیا ہے۔ ریلوے کے انجنیئرنگ ڈپارٹمنٹ اور تیکنیکی ٹیموں نے واقعے کے مقام کا دورہ کیا۔ریلوے حکام کا کہنا ہے کہ ٹریک کی مرمت کا کام کل سے شروع کر دیا جائے گا۔ حملے میں جعفر ایکسپریس کے انجن سمیت 5 بوگیوں کو نقصان پہنچا، جبکہ مشکاف میں ریلوے ٹریک کے 382 فٹ حصے کو بھی نقصان ہوا۔ریلوے حکام نے مزید کہا کہ ٹریک کی مرمت میں 8 سے 10 گھنٹے درکار ہوں گے، اور کوشش کی جا رہی ہے کہ ٹریک کی جلد مرمت کر کے ٹرین سروس کو بحال کیا جا سکے۔