چیمپئنز ٹرافی کا پہلا اپ سیٹ: افغانستان نے انگلینڈ کو 8 رنز سے ہرا دیا

لاہور( سپورٹس ڈیسک)آئی سی سی چیمپئنز ٹرافی کے آٹھویں میچ میں افغانستان نے سنسنی خیز مقابلے کے بعد انگلینڈ کو 8 رنز سے شکست دی۔ 326 رنز کے ہدف کے تعاقب میں انگلینڈ کی پوری ٹیم آخری اوور میں 317 رنز بنا کر آٹ ہو گئی، اور انگلش بلے باز جو روٹ 120 رنز کے ساتھ نمایاں رہے۔انگلینڈ کی اننگز کا آغاز فل سالٹ اور بین ڈکٹ نے کیا، تاہم فل سالٹ 12 رنز پر آٹ ہو گئے۔ تیسرے نمبر پر آنے والے بلے باز جیمی سمتھ 9 رنز بنا کر چلتے بنے، اور بین ڈکٹ 38 رنز بنا کر آٹ ہو گئے۔ چوتھے نمبر پر آنے والے جو روٹ نے ذمہ دارانہ کھیل کا مظاہرہ کیا اور 120 رنز کی شاندار اننگز کھیلی۔ ہیری بروک 25، کپتان جوز بٹلر 38 رنز بنا کر چلتے بنے۔ انگلینڈ کی چھٹی وکٹ لیام لیونگسٹون کی گری، جو 10 رنز بنا کر کیچ تھما بیٹھے، جیمی اوورٹن 32 اور جوفرا آچر 14 رنز بنا کر آٹ ہو گئے۔قبل ازیں لاہور کے قذافی سٹیڈیم میں کھیلے گئے میچ میں افغانستان نے انگلینڈ کے خلاف ٹاس جیت کر پہلے بیٹنگ کا فیصلہ کیا اور مقررہ 50 اوورز میں 7 وکٹوں کے نقصان پر 325 رنز بنائے۔ افغانستان کی جانب سے ابراہیم زدران نے 177 رنز کی شاندار اننگز کھیلی۔افغانستان کا آغاز مایوس کن رہا اور ابتدائی 3 وکٹیں صرف 37 رنز کے مجموعی سکور پر گر گئیں۔ رحمان اللہ گرباز 6، صدیق اللہ اتل اور رحمت شاہ 4، 4 رنز بنا کر آٹ ہو گئے۔ تاہم اوپنر ابراہیم زدران نے ذمہ دارانہ بیٹنگ کرتے ہوئے 177 رنز کی اننگز کھیلی۔ کپتان حشمت اللہ شاہدی اور محمد نبی 40، 40 جبکہ عظمت اللہ عمرزئی 41 رنز بنا کر آٹ ہوئے۔انگلینڈ کی جانب سے جوفرا آچر نے 3، لیام لیونگسٹون نے 2 جبکہ جیمی اوورٹن اور عادل رشید نے ایک ایک وکٹ حاصل کی۔