3
کو ئٹہ ( اباسین خبر)بلوچستان کے طلبا کو اعلی تعلیم کے حصول کے لیے ایک بڑی خوشخبری سامنے آئی ہے، کیونکہ متحدہ عرب امارات (یو اے ای) نے ان کے لیے اسکالرشپ کا اعلان کیا ہے۔ اس اسکالرشپ کے تحت بلوچستان کے مختلف اضلاع سے منتخب کیے گئے 25 طلبا، جن میں 5 طالبات بھی شامل ہیں، یو اے ای کے بہترین تعلیمی اداروں میں تعلیم حاصل کریں گے۔اس اسکالرشپ کا مقصد پاکستان اور خاص طور پر بلوچستان کے نوجوانوں کو عالمی سطح پر تعلیم حاصل کرنے کا موقع فراہم کرنا ہے۔ منتخب طلبا نے اس موقع پر حکومت پاکستان، یو اے ای اور پاک فوج کا شکریہ ادا کیا۔ انہوں نے کہا کہ یہ اسکالرشپ ان کے تعلیمی سفر کے لیے سنگ میل کی حیثیت رکھتی ہے اور اس موقع سے فائدہ اٹھا کر وہ اپنے ملک اور صوبے کا نام روشن کریں گے۔
