3
لاہور( اباسین خبر)پنجاب یونیورسٹی میں طلبہ تنظیم کے کارکنوں نے ڈائریکٹر آئی ای آر کے دفتر پر حملہ کر دیا، جس میں توڑ پھوڑ اور تشدد کی اطلاعات ہیں۔ پولیس نے ایف آئی آر درج کر کے کارروائی شروع کر دی ہے۔ اس واقعے میں ملوث دو مرکزی ملزمان، مجتبی اور زین، کو گرفتار کر لیا گیا ہے، جبکہ دیگر ملزمان کی گرفتاری کے لیے پولیس چھاپے مار رہی ہے۔ایف آئی آر میں تین نامزد اور 30 نامعلوم ملزمان کو شامل کیا گیا ہے۔ ایف آئی آر کے متن کے مطابق ملزمان نے دفتر میں موجود افراد پر تشدد کیا اور دفتر کی املاک کو نقصان پہنچایا۔ پولیس مزید تحقیقات کر رہی ہے اور توڑ پھوڑ میں ملوث افراد کو گرفتار کرنے کی کوشش کر رہی ہے۔
