سندھ میں رمضان کیلئے سکولوں کے اوقات کار جاری

کراچی( اباسین خبر)محکمہ تعلیم سندھ نے ماہ رمضان کے دوران سکولوں کے اوقات کار جاری کر دیے ہیں۔محکمہ تعلیم کے مطابق، سنگل شفٹ والے پرائمری سکول صبح 8 بجے سے 1:30 بجے تک کھلے رہیں گے، اور جمعہ کو یہ سکول صبح 8 سے 11:30 بجے تک کھلے رہیں گے۔ڈبل شفٹ پرائمری سکولوں کے اوقات کار صبح ساڑھے 7 بجے سے 11:30 بجے تک ہوں گے، جبکہ ان سکولوں کی دوسری شفٹ پونے 12 سے پونے 3 بجے تک ہو گی۔ڈبل شفٹ سکولوں میں جمعہ کو پہلی شفٹ 7:30 سے 11:30 بجے تک ہو گی، اور دوپہر کی شفٹ 11:45 سے 1:30 بجے تک ہو گی۔سنگل شفٹ سیکنڈری، ہائرسیکنڈری اور ایلیمنٹری سکول 8 بجے سے 1:30 بجے تک کھلے رہیں گے، اور جمعہ کو یہ سکول 8 سے 11:30 بجے تک کھلے رہیں گے۔اس کے علاوہ، ڈبل شفٹ سیکنڈری اور ہائرسیکنڈری سکولوں کی پہلی شفٹ 7:30 سے 11:30 بجے تک ہو گی، اور دوسری شفٹ 11:45 سے 2:45 بجے تک ہو گی۔محکمہ تعلیم کے مطابق، جمعہ کو ڈبل شفٹ سکولوں میں پہلی شفٹ 7:30 سے 11:30 بجے تک ہو گی، جبکہ دوسری شفٹ 11:45 سے 1:15 تک ہو گی۔