2
بالاکوٹ( اباسین خبر)مانسہرہ کی تحصیل بالا کوٹ کے سری پائے کے مقام پر برفباری میں راستہ بھٹک جانے والے دو غیر ملکی سیاحوں کو ریسکیو کر لیا گیا۔کاغان ڈویلپمنٹ اتھارٹی حکام کے مطابق، سری پائے پر اسکیئنگ کرنے والے دو غیر ملکی سیاحوں کو دس گھنٹے بعد ریسکیو کیا گیا۔ سیاح کوہ مکڑا کی طرف نکل جانے کے بعد راستہ بھٹک گئے تھے۔سکیورٹی پر موجود اہلکاروں کی اطلاع پر مقامی پولیس اور ٹورزم پولیس نے رات گئے تک سرچ آپریشن کیا۔ دونوں غیر ملکی سیاحوں نے اندھیرے کے باعث رات مکڑا بیس میں گزاری۔ آخرکار، دونوں غیر ملکی سیاحوں کو بحفاظت ریسکیو کرکے شوگراں پہنچا دیا گیا۔کے ڈی اے حکام کا کہنا تھا کہ دونوں غیر ملکی سیاحوں کا تعلق فرانس سے ہے۔
