’’بہن تم کون ہو؟‘‘ گھر والوں نے کراچی سے واپس آنے پر پہچاننے سے انکار کردیا: صبا قمر

کراچی( شوبز ڈیسک)معروف اداکارہ صبا قمر نے حال ہی میں کراچی میں رہنے کے اپنے تجربات پر بات کرتے ہوئے اپنے تحفظات اور مایوسی کا اظہار کیا ہے۔صبا قمر نے مزاحیہ انداز میں کہا، “کراچی میں رہنے کا، دو دن کا، ایک ہفتے کا مذاق ٹھیک ہے لیکن تین ماہ کا مذاق ٹھیک نہیں ہے۔” اداکارہ نے شہر کی گرمی، آلودگی اور موسم کی مشکلات کی طرف اشارہ کرتے ہوئے مزید کہا، “بال اتر چکے ہیں، جلد خراب ہوگئی ہے، میں بھنگن لگ رہی ہوں۔”ان کے اس بیان نے سوشل میڈیا پر تہلکہ مچایا، اور کراچی کے موسم، آلودگی اور طرزِ زندگی کے چیلنجز پر ایک نئی بحث چھیڑ دی۔ صبا قمر کے الفاظ نے کراچی کے رہائشیوں کو اپنی بات محسوس کرائی، کیونکہ شہر کی گرمی، نمی اور آلودگی کی وجہ سے اکثر لوگوں کی صحت اور جلد پر منفی اثرات مرتب ہوتے ہیں۔صبا نے مزید کہا کہ کراچی کا ماحول ان کی جلد اور بالوں پر بہت بھاری پڑا ہے اور وہ اس سے تنگ آچکی ہیں۔ انہوں نے اپنی بات کو مزاحیہ رنگ دیتے ہوئے کہا کہ جب وہ گھر واپس پہنچیں تو گھر والوں نے انہیں پہنچانے سے انکار کرتے ہوئے کہا، “بہن تم کون ہو؟”