تھائی لینڈ، امارات، سعودیہ سمیت 6 ممالک سے مزید 30 پاکستانی ڈی پورٹ

لاہور( اباسین خبر)متحدہ عرب امارات، سعودی عرب اور تھائی لینڈ سمیت 6 مختلف ممالک سے 24 گھنٹوں کے دوران مزید 30 پاکستانیوں کو بے دخل کر دیا گیا، جن میں 2 ماہی گیر بھی شامل ہیں۔امیگریشن ذرائع کے مطابق، سعودی عرب سے 8، یو اے ای سے 17 پاکستانیوں کو گزشتہ 24 گھنٹوں میں ڈی پورٹ کیا گیا۔ماریشس میں بغیر دستاویزات کے پہنچے 2 ماہی گیروں کی لیگل ڈیپارٹمنٹ نے تصدیق نہیں کی، جس پر انہیں بے دخل کر کے پاکستان بھیجا گیا۔ ماہی گیروں سمیت 5 افراد کو اے ایچ ٹی سی کے حوالے کیا گیا۔عمان اور بحرین میں پاسپورٹ ختم ہونے پر 2 افراد کو جبکہ تھائی لینڈ پہنچے ایک پاکستانی کو وزٹ کی وضاحت نہ دینے پر بے دخل کر دیا گیا۔