اٹک: کار اور ٹرک میں تصادم سے 2 خواتین جاں بحق، 3 افراد زخمی

اٹک( اباسین خبر)اٹک کی تحصیل فتح جنگ میں تیز رفتار کار اور ٹرک میں خوفناک تصادم کے نتیجے میں 2 خواتین جاں بحق جبکہ 3 افراد زخمی ہوگئے۔حادثہ اس وقت پیش آیا جب کار اور ٹرک کے درمیان تصادم ہوا۔ جاں بحق ہونے والی خواتین موقع پر ہی دم توڑ گئیں جبکہ تین افراد زخمی ہوگئے۔ حادثے کے بعد پولیس اور ریسکیو ٹیمیں فورا موقع پر پہنچ گئیں اور جاں بحق افراد کی لاشوں کو ہسپتال منتقل کر دیا۔ زخمیوں کو بھی فوری طور پر طبی امداد کے لئے ہسپتال منتقل کیا گیا۔ریسکیو ذرائع کے مطابق، کار میں سوار افراد پنڈی گھیپ سے اسلام آباد جا رہے تھے۔