4
اسلام آباد( اباسین خبر)وفاقی حکومت رمضان المبارک 1446ھ کے یکساں آغاز کے لیے اقدامات کر رہی ہے۔مرکزی رویت ہلال کمیٹی کا اجلاس پشاور میں 28 فروری 2025 کو منعقد کیا جائے گا تاکہ رمضان کا چاند دیکھا جا سکے۔ اجلاس کی صدارت چیئرمین مولانا عبدالخبیر آزاد کریں گے۔ترجمان وزارت مذہبی امور کے مطابق، زونل رویت ہلال کمیٹیاں اپنے مقامات پر اجلاس کریں گی، تاہم چاند نظر آنے یا نہ آنے کا حتمی اعلان مرکزی کمیٹی کرے گی۔ اجلاس کے تمام انتظامات وزارت مذہبی امور کے زیر اہتمام ہوں گے۔
