3
اسلام آباد( اباسین خبر)اسلام آباد ہائیکورٹ نے 26 نومبر کے احتجاج میں گرفتار 120 سے زائد پی ٹی آئی کارکنوں کی ضمانتیں منظور کرتے ہوئے انہیں فوری طور پر رہا کرنے کا حکم دے دیا۔قائم مقام چیف جسٹس سرفراز ڈوگر اور جسٹس محمد آصف پر مشتمل بنچ نے ضمانتیں منظور کیں۔ وکلا علی بخاری، بابر اعوان اور مرتضی طوری نے عدالت میں پیش ہو کر درخواست دائر کی۔عدالت نے تمام گرفتار کارکنوں کو بیان حلفی پولیس سٹیشن میں جمع کروانے کا حکم دیا، جس میں انہیں یقین دہانی کرانی ہوگی کہ آئندہ ایسا جرم نہیں کریں گے۔ عدالت نے 20 ہزار روپے کے مچلکوں کے عوض ضمانتیں منظور کیں اور کارکنوں کی فوری رہائی کا حکم دے دیا۔واضح رہے کہ پی ٹی آئی کے 26 نومبر کے احتجاج کے دوران پولیس نے کئی کارکنوں کو گرفتار کیا تھا، جن کی رہائی کے لیے عدالت سے رجوع کیا گیا تھا۔
