6
کو ئٹہ ( اباسین خبر)وزیراعلی بلوچستان سرفراز بگٹی نے بارکھان میں سات مسافروں کے بہیمانہ قتل کی مذمت کرتے ہوئے کہا کہ دہشت گرد معصوم اور نہتے لوگوں کو نشانہ بنا رہے ہیں۔انہوں نے کہا کہ “امن دشمنوں کا بزدلانہ وار ناقابل برداشت ہے، اور ان کا سخت جواب دیا جائے گا۔ پاکستانیوں کو شہید کرنے والے دہشت گردوں کو ہر صورت انجام تک پہنچایا جائے گا۔”ترجمان بلوچستان حکومت کے مطابق، بارکھان واقعے کے بعد ایف سی اور لیویز فورسز جائے وقوعہ پر پہنچ چکی ہیں اور سیکیورٹی فورسز دہشت گردوں کا تعاقب جاری رکھے ہوئے ہیں۔واضح رہے کہ بارکھان کے علاقے رڑکن میں مسلح افراد نے کوئٹہ سے فیصل آباد جانے والی مسافر بس کے سات مسافروں کو اتار کر قتل کر دیا۔ اسسٹنٹ کمشنر بارکھان کے مطابق، یہ مسافر بس کوئٹہ سے فیصل آباد جا رہی تھی۔
