5
سیہون( اباسین خبر)حضرت لعل شہباز قلندر کے 773 ویں عرس مبارک کی تقریبات کا آغاز ہوگیا۔عرس کی تین روزہ تقریبات کا افتتاح سپیکر سندھ اسمبلی اویس قادر شاہ اور وزیر اوقاف سندھ ریاض شاہ نے درگاہ پر چادر چڑھا کر کیا۔ اس موقع پر مزار پر پھولوں کی چادر چڑھا کر ملکی سلامتی و خوشحالی کے لیے دعا کی گئی۔پنجاب سمیت ملک بھر سے لاکھوں زائرین سیہون شریف پہنچ چکے ہیں۔ عرس کے موقع پر سیہون شریف کی گلیوں اور محلوں میں “دمادم مست قلندر” کی صدائیں گونج رہی ہیں، اور سکیورٹی کے سخت انتظامات کیے گئے ہیں۔حضرت لعل شہباز قلندر کے عرس کے دوران سندھ کی روایتی ثقافتی کھیل ملھ ملاکھڑا کے دلچسپ مقابلے بھی منعقد ہوں گے۔ رات کو شہباز آڈیٹوریم ہال میں سگھڑن جی کچہری اور محفل موسیقی کا پروگرام بھی ہوگا۔
