5
اسلام آباد( کامرس ڈیسک) وزیراعظم شہباز شریف نے ورلڈ بینک کے 10 سالہ 40 ارب ڈالر کے کنٹری پارٹنر شپ فریم ورک کا خیرمقدم کیا۔وزیراعظم سے انٹرنیشنل فنانس کارپوریشن (آئی ایف سی) کے ایم ڈی مختار ڈیوپ نے ملاقات کی، جس میں پاکستان میں آئی ایف سی کے جاری اور ممکنہ اقدامات پر تبادلہ خیال کیا گیا۔ملاقات میں وزیراعظم نے آئی ایف سی کے بنیادی ڈھانچے، آئی ٹی، زراعت اور صحت کے شعبوں میں تعاون کو سراہا۔ شہباز شریف نے ایف بی آر کی ڈیجیٹلائزیشن کی جاری کوششوں کو مزید مستحکم کرنے کا عزم ظاہر کیا۔آئی ایف سی کے سربراہ نے وزیر خزانہ اورنگزیب سے بھی ملاقات کی اور کہا کہ آئی ایف سی پاکستان کی اصلاحات کو تسلیم کرتی ہے، اور نجی شعبے نے وزیر خزانہ کی پالیسیوں پر اعتماد کا اظہار کیا ہے۔
