ایشین جونیئر سکواش چیمپئن شپ، پاکستان کی سیمی فائنل میں انٹری

لاہور( سپورٹس ڈیسک)پاکستان نے 22 ویں ایشین جونیئر سکواش ٹیم چیمپئن شپ کے کوارٹر فائنل میں جاپان کو 1-2 سے شکست دے کر سیمی فائنل میں جگہ بنائی۔ انس علی شاہ نے پاکستان کے لیے پہلا میچ جیتا اور رینشی ماکینو کو 53 منٹ کے سنسنی خیز مقابلے میں 4-11، 6-11، 11-7 اور 8-11 سے ہرایا۔اس کے بعد سخی اللہ خان ترین کو شو تاکاشی کے ہاتھوں 57 منٹ تک جاری رہنے والے سخت مقابلے میں شکست کا سامنا کرنا پڑا۔ تاہم، فیصلہ کن میچ میں عبداللہ نواز نے شاندار کھیل کا مظاہرہ کرتے ہوئے شنساکو کاریازونو کو صرف 30 منٹ میں 7-11، 5-11 اور 10-12 سے شکست دی، جس سے پاکستان کی فتح یقینی ہو گئی۔اب پاکستان کا سیمی فائنل میں مقابلہ کوریا سے ہو گا۔ اس سے پہلے پاکستان نے گروپ میچز میں بھارت، مکا اور چین کو شکست دے کر ناک آوٹ رانڈ میں جگہ بنائی تھی۔