6
اسلام آباد( اباسین خبر)ڈسٹرکٹ اینڈ سیشن کورٹس اسلام آباد نے آڈیو لیک کیس میں وزیر اعلی خیبر پختونخوا علی امین گنڈاپور کے وارنٹ گرفتاری برقرار رکھے ہیں۔ایڈیشنل سیشن جج عبدالغفور کاکڑ نے علی امین گنڈاپور کے خلاف آڈیو لیک کیس کی سماعت کی۔ علی امین گنڈاپور کی جانب سے کوئی بھی شخص عدالت میں پیش نہیں ہوا، تاہم مقدمہ میں شریک ملزم اسد فاروق خان عدالت میں پیش ہوئے۔عدالت نے علی امین گنڈاپور کے وارنٹ گرفتاری برقرار رکھتے ہوئے سماعت ملتوی کر دی، اور کیس کی آئندہ سماعت 25 فروری کو مقرر کی گئی ہے۔یاد رہے کہ وزیراعلی خیبر پختونخوا علی امین گنڈاپور کے خلاف تھانہ گولڑہ میں مقدمہ درج ہے۔
