یوٹیوب اے آئی ٹیکنالوجی پر مبنی متعدد فیچرز متعارف کرانے کو تیار

کیلیفورنیا( مانیٹرنگ ڈیسک)یوٹیوب نے رواں سال کے دوران اے آئی (آرٹیفیشل انٹیلیجنس) ٹیکنالوجی پر مبنی متعدد فیچرز متعارف کرانے کا اعلان کیا ہے۔ یوٹیوب کے چیف ایگزیکٹو نیل موہن نے اپنے سالانہ خط میں اس بات کا انکشاف کیا کہ 2025 تک اے آئی ٹیکنالوجی کمپنی کی 4 بڑی ترجیحات میں شامل ہو گی۔انہوں نے بتایا کہ یوٹیوب کریٹیرز کے لیے مختلف اے آئی ٹولز پر بھاری سرمایہ کاری کر رہا ہے، جن میں ویڈیوز کے مواد کا آئیڈیا دینے، تھمب نیلز کے انتخاب میں مدد فراہم کرنے، اور زبانوں کے ترجمے جیسے فیچرز شامل ہیں۔ یہ فیچرز یوٹیوب کے پارٹنر پروگرام کا حصہ بننے والے تمام صارفین کے لیے دستیاب ہوں گے اور فروری میں متعارف کرائے جائیں گے۔ایک اور اہم فیچر پر کام کیا جا رہا ہے جو صارفین کی عمروں کی شناخت کر کے ان کے لیے مناسب مواد کی سفارش کرے گا۔ اس کے علاوہ، آٹو ڈبنگ جیسے ٹولز بھی متعارف کرائے جائیں گے جس سے صارفین اپنی ویڈیوز کا مختلف زبانوں میں ترجمہ کر سکیں گے۔نیل موہن نے یہ بھی کہا کہ یوٹیوب اس بات کو یقینی بنانے کے لیے اے آئی کا استعمال کر رہا ہے کہ اس کا استعمال مناسب طریقے سے ہو رہا ہے اور صارفین کے لیے مفید ثابت ہو۔