تمام طریقے آزمانے کے باوجود بال گِر رہے ہیں، آخر کیا وجہ ہے؟

کراچی ( ہیلتھ ڈیسک)بالوں کا گرنا ایک قدرتی عمل ہے، لیکن جب یہ مقدار میں بڑھ جائے تو یہ پریشانی کا باعث بن سکتا ہے۔ بالوں کے گرنے کی مختلف وجوہات ہو سکتی ہیں جو درج ذیل ہیں:غذائی اجزا کی کمی: خوراک میں پروٹین، آئرن، وٹامن B12 اور وٹامن D کی کمی بالوں کے گرنے کی ایک اہم وجہ ہو سکتی ہے۔ اگر جسم کو ان ضروری اجزا کی کمی ہو تو بالوں کی نشوونما متاثر ہو سکتی ہے۔ذہنی دبا: طویل عرصے تک ذہنی دبا میں رہنا بالوں کے گرنے کی وجہ بن سکتا ہے۔ ایسا عام طور پر تب ہوتا ہے جب کوئی فرد شدید ذہنی دبا یا تکلیف دہ تجربات کا سامنا کرتا ہے، جس سے اسٹیم سیلز غیر فعال ہو جاتی ہیں اور بالوں کی نشوونما رک جاتی ہے۔ادویات کے مضر اثرات: کچھ ادویات جیسے خون کو پتلا کرنے والی دوائیاں، وٹامن A کی زیادہ مقدار والی مہاسوں کی دوائیں، انابولک اسٹیرائڈز اور دیگر مخصوص دوائیں بالوں کے گرنے کا سبب بن سکتی ہیں۔ڈیلیوری کے فورا بعد: بچے کی پیدائش کے بعد عموما بالوں کا گرنا ایک عارضی عمل ہوتا ہے۔ حمل کے دوران ہارمونز کی وجہ سے بال کم گرتے ہیں، لیکن پیدائش کے بعد یہ ہارمونز معمول پر آجاتے ہیں جس سے بالوں کا گرنا بڑھ جاتا ہے۔ یہ عارضی ہوتا ہے اور عام طور پر ایک سال یا اس سے کم وقت میں ختم ہو جاتا ہے۔اگر آپ کو اس قسم کا مسئلہ درپیش ہے، تو بہتر ہے کہ ایک ماہر سے مشورہ کریں تاکہ مناسب علاج کی تجویز کی جا سکے۔