ہانیہ عامر کو بولڈ فوٹو شوٹ پر شدید تنقید کا سامنا

کراچی ( شوبز ڈیسک)پاکستان شوبز کی معروف اداکارہ ہانیہ عامر، جو کہ سپر ہٹ ڈرامہ “کبھی میں کبھی تم” سے شہرت حاصل کر چکی ہیں، حالیہ فوٹو شوٹ کی وجہ سے شدید تنقید کا سامنا کر رہی ہیں۔اداکارہ نے اپنی سالگرہ کے موقع پر ایک بولڈ فوٹو شوٹ کروایا، جس میں وہ ایک مرمیڈ کی طرح پانی میں ادائیں دکھاتی نظر آ رہی ہیں۔ ہانیہ پہلی بار انسٹاگرام پر اس جرات مندانہ انداز میں سامنے آئی تھیں، تاہم یہ مداحوں کو بالکل پسند نہ آیا۔ کئی افراد نے اس فوٹو شوٹ کو اخلاقیات کے خلاف قرار دیتے ہوئے تبصرے کیے اور کہا کہ اداکارہ کو یہ پوسٹ انسٹاگرام سے ہٹا دینی چاہیے۔تصاویر میں ہانیہ عامر سوئمنگ پول میں چمکدار پلاسٹک جیسے لباس میں دکھائی دے رہی ہیں، جس سے ان کا پورا جسم جھلک رہا ہے۔ اس بولڈ انداز کو دیکھ کر کچھ سوشل میڈیا صارفین نے یہ تک کہہ دیا کہ یہ ہانیہ کی جانب سے بالی ووڈ میں ڈیبیو کے لیے سستی پبلسٹی حاصل کرنے کا ایک طریقہ ہو سکتا ہے۔اداکارہ کی اس فوٹو شوٹ پر جاری تبصرے اور ردعمل نے سوشل میڈیا پر بحث چھیڑ دی ہے۔