7
لاہور( شو بز ڈیسک)پاکستانی اداکارہ سعدیہ غفار اور اداکار حسن حیات خان کے ہاں ننھے مہمان کی آمد ہوئی ہے۔سعدیہ غفار نے انسٹاگرام پر اپنی بیٹی کے ہمراہ نومولود بیٹے کی دلکش تصاویر شیئر کرتے ہوئے بتایا کہ وہ اور حسن اب ایک بیٹے کے بھی والدین بن چکے ہیں۔ اداکارہ نے اپنے بیٹے کا نام “زیدانے حیات خان” رکھا ہے۔ واضح رہے کہ سعدیہ غفار اپنے شوہر حسن حیات اور بیٹی ریا کے ساتھ کیلیفورنیا میں مقیم ہیں۔شادی کے بعد سعدیہ غفار نے اداکاری کا سلسلہ جاری نہیں رکھا، البتہ انہوں نے اسے مکمل طور پر چھوڑا بھی نہیں۔ حسن حیات اور سعدیہ غفار کی شادی مارچ 2020 میں ہوئی تھی۔
