لاہور: شادی میں ناقص کھانا کھانے سے سینکڑوں افراد کی حالت غیر، متعدد کی تشویشناک

لاہور ( اباسین خبر)لاہور کے علاقے خیابان امین میں شادی کی تقریب میں ناقص کھانے کی وجہ سے 360 سے زائد افراد کی حالت غیر ہوگئی، جن میں سے متعدد کی حالت تشویشناک بتائی گئی۔ شہری سرفراز کی شادی کی تقریب نجی مارکی ستوکتلہ میں جاری تھی، جہاں کھانا کھانے کے بعد مدعو کردہ 200 سے زائد افراد فوڈ پوائزنگ کا شکار ہوگئے۔ان افراد کو فوری طور پر مختلف ہسپتالوں میں منتقل کیا گیا۔ جنرل ہسپتال میں 9 افراد کی حالت تشویشناک ہے جبکہ رائیونڈ انڈس ہسپتال میں 27 افراد زیر علاج ہیں۔ سرفراز نے الزام عائد کیا کہ مارکی انتظامیہ نے ناقص اور غیر معیاری کھانا فراہم کیا، جس کی وجہ سے یہ واقعہ پیش آیا۔مقامی انتظامیہ نے تحقیقات شروع کر دی ہیں اور ذمہ داروں کے خلاف سخت کارروائی کا عندیہ دیا ہے۔