10
پشاور( اباسین خبر)وزیراعلی خیبرپختونخوا علی امین گنڈاپور کی حفاظتی ضمانت کی درخواست 5 مارچ تک منظور کر لی گئی۔پشاور ہائیکورٹ کے جسٹس صاحبزادہ اسد اللہ اور جسٹس صلاح الدین نے علی امین گنڈاپور کی حفاظتی ضمانت کی درخواست پر سماعت کی، جس میں وکیل درخواست گزار اور ایڈووکیٹ جنرل عدالت میں پیش ہوئے، تاہم وزیراعلی خیبرپختونخوا خود عدالت میں پیش نہ ہو سکے۔عدالت نے کہا کہ قانون کے مطابق درخواست گزار کا پیش ہونا ضروری ہے، اور اگلی تاریخ پر حفاظتی ضمانت کے لیے درخواست گزار کو خود پیش ہونا ہوگا۔بعد ازاں عدالت نے علی امین گنڈاپور کی حفاظتی ضمانت کی درخواست 5 مارچ تک منظور کرتے ہوئے سماعت ملتوی کر دی اور متعلقہ اداروں سے علی امین گنڈاپور کے خلاف مقدمات کی تفصیلات بھی طلب کر لیں۔
