خیبرپختونخوا میں اینٹی کرپشن فورس بنانے کی تیاری، نئی بھرتیاں بھی ہونگی

پشاور( اباسین خبر)خیبرپختونخوا میں اینٹی کرپشن فورس کے قیام کی تیاری مکمل کر لی گئی ہے، جس میں نئی بھرتیاں کی جائیں گی اور ڈیپوٹیشن پر تعینات عملے کو واپس اپنے محکموں میں بھیجا جائے گا۔ذرائع کے مطابق اینٹی کرپشن فورس میں تین کیڈرز ہوں گے: انویسٹی گیشن، پراسیکیوشن اور ایڈمنسٹریشن۔ فورس کی سربراہی ڈائریکٹر اینٹی کرپشن کرے گا، جبکہ پراسیکیوشن کا ڈی جی کنٹریکٹ بنیادوں پر بھرتی کیا جائے گا۔ذرائع نے بتایا کہ ایڈووکیٹ جنرل اور پراسیکیوشن جنرل کیسز حل کریں گے، اور پراسیکیوشن 6 ماہ میں انکوائری مکمل کر کے پراسیکیوشن ڈائریکٹر کو رپورٹ پیش کرے گی۔ غلط کیس بنانے والے اہلکاروں کو 3 سے 7 سال تک قید کی سزا ہوگی۔ اینٹی کرپشن فورس کو اسلام آباد میں چار ماہ کی تربیت دی جائے گی۔