19
اسلام آباد( اباسین خبر)انسداد دہشت گردی عدالت اسلام آباد نے 26 نومبر کو احتجاج پر درج مقدمات میں پی ٹی آئی کے 5 کارکنوں کی بعد از گرفتاری درخواست ضمانت منظور کر لی۔انسداد دہشت گردی عدالت نمبر 1 کے جج ابوالحسنات محمد ذوالقرنین نے پی ٹی آئی کارکنوں کی درخواستوں پر سماعت کی۔ درخواست گزاروں کے وکلا نے مقف اختیار کیا کہ اس مقدمے میں بیشتر ملزمان کی ضمانتیں منظور ہو چکی ہیں، اور ملزمان سے کوئی برآمدگی نہیں ہوئی، لہذا ضمانت منظور کی جائے۔عدالت نے دلائل کے بعد ملزمان کی ضمانت 5 ہزار روپے کے مچلکوں کے عوض منظور کر لی۔ملزمان کے وکلا سردار محمد مصروف خان اور آمنہ علی نے دلائل دیے، جبکہ ملزمان کے خلاف توڑ پھوڑ اور جلاو گھیرا کی دفعات کے تحت تھانہ کوہسار میں مقدمات درج ہیں۔
